318 replies to this topic

[ليان]

مو انا الي اخيب ظن اصدقائي...

[نور و نار]

يا ستي حابة ادرس أكتر من شغلة ..
تجارة واقتصاد .. علم نفس .. كيمياء حيوية .. ادارة أعمال .. حقوق ..
كل هالمجالات عندي إلن ميول كبيييييير ...
وعلى حسب مجموعي رح اختار ..
بس يمكن مو كل المجالات إلا فروع باجامعة .. ؟؟!!

ان شاء الله خلص واجي .. والله كتيييير مشتهية شوف كل الأعضاء ..

[اللوردالسوري]

وإن عدتم عدنا
صباح الصبح ياجماعة

تم تعديل هذه المشاركة بواسطة اللوردالسوري: 19 November 2009 - 01:17 PM

[Waddah]

الاصدقاء أشكال واألوان مختلفة

فصاحب من هم من لونك

واحذر من يتغير لونه وشكله

( حكمة للزمن )

[اللوردالسوري]

جاري الفضفضة

[D.AMA]

بيان . . . .

شو رأيك بالطب البشري؟!!

بالطب البشري بتدرسي مواد كيمياء حيوية لحتى تقولي بس . . .

[نور و نار]

لا طب بشري صعب كتير .. لاسباب
أولا : مالي خلق ضلي ادرس 6 سنين ..
تاني شي : انا بفضل الكيمياء الحيوية كفرع مستقل أكتر من انها تدخل بدراسة فرع آخر ..

و مو اكيد رح ادرس كيمياء حيوية ..

قبل كنت فكر ادرس فلسفة .. بس قالولي ما حدا يدرس هالعلم إلا ويطلع بنص عقلو أو مافيه عقل بالمرة ..
يعني بوشو عالعصفورية .. غير انو سمعت انو حرام وكل أهلي ما أيدوني .. فغضيت النظر عن هالفرع ..
ولو انو لهلا أحيانا كتير بخلال حكي .. يقولولي "بلشتي فلسفة !!!" ..

بعدين حسيت انو علم النفس قريب منو .. فأدرجتو بقائمة الخيارات .. غير انو عندي بعض النشاطات من هلا بهالمجال ..

يعني شغلة شو بدي ادرس شغلة معقدة .. وادامي خيارات كتير ..

ويلي بيكتبلياه رب العالمين .. أكيييييد خير ..

بس صحيح D.AMA .. انتى شو بتدرس ..؟؟؟

[D.AMA]

شكرا بيان

يا سيدتي الكريمة . . . . انا بدرس طب بشري بجامعة الفرات "سنة ثالثة حاليا"

للأسف بيان . . . . مافي فرع بالجامعة اسمه كيمياء حيوية عندنا بسوريا
بس بتقدري تتدخلي كيمياء بكلية العلوم وتختصي عالسنة الثالثة كيمياء حيوية . . .

علم نفس . . . حلو جدا و نحنا بندرس هيك شي بالطب

بس بحب من الفروع الأدبية "ادب انكليزي" وبحب اسمع عن حدا دخل هالفرع . . . . شو رأيك فيه بيان ؟!

اهم شي وقبل كل شي بيان لازم تحددي ميولك ادبية ولا علمية . . .

وابدا لا تقولي رح ادخل فرع حسب مجموعي بالبكلوريا . . . حطي لنفسك هدف . . . واذا ما تحقق بكون إلك شرف المحاولة

[نور و نار]

أهااااااااا وأا عم قول لحالي أول واحد بيجيبلي سيرة الطب ..!!!
يا سيدي معلومة غريبة لانو هون بالسعودية في هالفرع لحالو ..

هلا شو ميولي ... صعب كتيييييير اني حدد ...

صدقا صدقا من أنا وزغيرة بحب التنقيب والبحث والاكتشاف " بكل أنواعه " ..
ان كان بالطبيعة أو النفس البشرية أو غيرها ..
وكنت دائما جرب كل فكرة تخطر ببالي ..
وإذا بدك وأنا وبصف السابع كنت عم اعمل أكتر من تجربة من خلالها اكتشفت نظريات .. وتاني يوم بالمدرسة اخدناها ..
حسيت وقتا انو مافي امل .. ووقفت تجاربي ..
بس كلامك شجعني وعجبني كتير ..
شكرا الك ..

[Waddah]

سمحولي اتدخل بالموضوع معكم

يعني انسة بيان انت مثل ما قال د.احمد لازم تحددي اتجاهك ولا تقعي مثل ما وقعنا من قبل ودخلنا على حسب المجموع

ومشان الأدب الانكليزي يا د. احمد : الادب الانكليزي فرع رائع جدا وبحيييييييل حلو بس نصيحة بكل الدنيا الا بالدير

نحن السابقون وانتم اللاحقون

وان شاء الله تخلص من الطب بسرعة وانت يا انسة بيان تدخلي الفرع الي برغبتك

وواصلي اختراعاتك بس انتبهي على حالك

شكرا لكم

[نور و نار]

أهلين وضاح .. الفضفضة مفتوحة للكل ولو ..
هلا رأيي بالأدب الانجليزي فرع حلو وممتع .. بس مالي مصلحة ..
لانو ما بعرف فك حرفين على بعضون بالإنجليزي أو ركبون .. وخصوصا الإنجليزي هون بالسعودية ..
يعني يا دوب يا دوب بعرف كم كلمة ..
هاي وباي كودمورننغ .. وواتز يور نيم ..

بس ليش يعني بالدير مو كل هالقد ؟؟؟

قصدك يعني بعد التخرج مجال الوظيفة ضيق ؟؟

جاري التفكير بالهدف ..

...........

[D.AMA]

شكرا وضاح

الأدب الانكليزي حلو وين ماكان وانا بشوف انو فرصكم كمتخرجين من قسم الادب الانكليزي بجامعة الفرات كثيرة والمستقبل إلكم "كما يقال"


شكرا بيان . . . .

نصيحتي إلك انو تحددي هدفك و ميولك بأسرع وقت

انا معاكي انه نحنا الشباب طموحين جدا وبدنا كل شي حلو بهالحياة والإختيار عندنا بهالمرحلة العمرية من اصعب المشاكل اللي ممكن نواجهها

بس تحديد الهدف واجب ولا مفر منه

وبزعل منك اذا بتقولي حسب مجموعي بالبكلوريا . . . لأن بحس هالجملة قمة التفكير السلبي

وان شاء الله تحققي هدفك و كل شي ببالك

[نور و نار]

يلي كنت قاصدتو بجملة على حسب مجموعي ...

فأنا حاطة امامي 5 خيارات كلا برغب بدخولها ..
وعلى حسب مجموعي رح اختار منها يعني اذا ما طلعتلي مادة من هالمواد اختار غيرها ..
بما انو كلها حابتها ...

والمشكلة انو اختيارنا بيحدد المستقبل كلو وكيف رح يكون ..

[Emo]

صباح الخير
انو .. مافي شي مهم .. بس حبيت اشرب قهوةالصبح .. على غير العادة ..
ورحت لحتى اعملها .. وهيييك .. لحتى وصلت لمرحلة انو لازم شغل الغاز .. وماكان في قداحة .. كتير دورت ع اي وحدة .. بس مالاقيت
وو فشلت العملية ..

[D.AMA]

صباح النور

يه يه يه . . . . كني ما عندكن كبريت

بتعرفي . . . مهما تطورت الدنيا ومهما طلعت اشكال والوان من القداحات مافي غنى عن الكبريت

انا . . . . الشي الوحيد اللي بعرفه عني بهالفترة اني مبسوط . . . وانا برأيي انو كتير مهم اني اكتشفت هالشغلة

[نور و نار]

زعلانة ومدايقة .. وبس ..

[اللوردالسوري]

حروفـــ يكتبهـا المــطر, on 24 November 2009 - 03:52 PM, said:

زعلانة ومدايقة .. وبس ..

ماعاااااااااااااااااااش مين زعل الحلووووووووووووووو
وما عاش اللي يدايقك يا قمر

[Waddah]

قصدي انه لو ندرس بغير الدير راح نستفيد اكثر من بالدير

في مجالات اوسع لتقوية النفس بالانكليزي وعمل دورات اكثر وممكن تلاقي ناس اجانب وتحكي معهم

وقليل عنا هيك بالدير

....................................


له له شبيجي يا خيتي زعلانه ؟؟؟

لا يكون انت أبو الريم ؟

...................................................

انا مبسوط ومو مبسوط

[نور و نار]

ههههههههههههه .. لا على سلامتو أبو الريم ..

بس هلا انا كتير مبسووووووووووطة ..


و وأخيرا نزل عنا مطر .. بس شو مطر حلو ... سبحان الله !
أحلى من يلي بينزل عندكون بستين مرة ..

سلاااااام

[hoonter]

السلام عليكم ورحمة الله وبركاته
كيف الحال ؟؟ كيف المطر معكم هاليومين ؟؟